Syentipikong pamamaraan sa pagpaparami ng halamang baging, inaasahang makatutulong sa mga ‘handicraft maker’ ng Bikol

Isang proyekto ang inilunsad kaugnay sa pagpaparami ng halamang baging gamit ng syentipikong pamaaraan upang bigyang solusyon ang unti-unting pagkaubos nito. Bukod dito, tutugunan din ang pagpaparami nito bilang mapagkukunan ng materyales para sa paggawa ng mga ‘handicrafts.’

Sa ilalim ng proyekto na pinangungunahan ng Forest Products Research and Development Institute (FPRDI), nakabuo ng mga syentipikong pamamaraan sa pagkuha, pagpaparami, at pagtatanim ng mga halamang baging sa probinsya ng Bikol. Layunin ng nasabing proyekto na pag-aralan ang mga katangian ng halaman tulad ng laki o taba ng tangkay, bilang ng mata o ‘nodules’ at tangkay, pati na rin ang mga ‘growth hormones’ na gagamitin. Ang mga ito ay ang makatutulong sa pagtukoy kung gaano ka-handa ang halaman sa paglilipat-tanim upang ang mga ito ay mas maparami.

Kabilang din sa nasabing protokol ang ilan sa mga kasanayan sa pagpaparami ng halaman gaya ng paghahanda ng potting medium o pagtatamnan ng halaman, at pagpili ng mga tangkay na gagamitin sa pagpaparami. May mga protokol din sa paglalagay ng ‘treatment,’ pagtatanim, at ang masusing pagbabantay sa paglaki ng mga ito.

Inaasahan na makikinabang ang mga manggagawa ng mga handicrafts sa Rehiyon ng Bikol partikular na ang mga sumusunod na bayan: Bula, Balatan, at Pamplona sa Camarines Sur; Maramba, Bogtong, at Oas sa Albay.